雖然 iPhone 未支援 5G，但係各大電訊公司都推出左5G Plan。咁成日掛係口邊嘅5G 你又知唔知係咩嚟呢？個個都話快，到底有幾快呢？同依家LTE 比較之下又有咩優勢呢？我地一齊睇下。

• 首先5G 技術超高速下載速度比4G最高快20倍，有幾快？一小時的 4K 影片，如果用4G網絡100Mbps 大約3~5分鐘，用上5G 1000Mbps 只需大約10秒。

• 多連接數量可同時連結智能裝置數量比4G多100倍以上，即係點？4G LTE 技術上訊號係擴散發射會造成浪費，而愈多人用同一個機站時會分薄網絡資源，造成「Load 空氣」現像。理論上5G 技術下，採用「點對點」的獨立通道方式連接裝置，有效分配資源，提供優質網絡體驗。

• 低延遲只有少於千分之一秒的延遲，有咩用？呢一樣正正就係5G 最大價值！有時我地打機會遇到Lag 機，㩒咗掣但係出招慢半拍，呢個就係網絡延遲(latency)。一般我地用4G LTE 係一個較好嘅模型環境下網絡延遲(latency) 約 15-25 毫秒，5G 技術下可以達到 1 毫秒。當5G 網絡普及時，我地可以預想「AR(擴增實境)提升」「4K~8K Live Video」「Tesla 開發嘅Robotaxi」「遙距看診/外科手術」等等都會成真，大大提升我地嘅生話質素！

有時都會聽到人講黃金頻段，原來親係講緊5G 頻段中嘅中頻。

• 「高頻」擁有超高頻寛，提供超高速度，適用於室內或商場等等使用者密度高嘅地方。
• 「中頻」所謂黃金頻段，就係同時擁有速度同穿透力並提供大範圍覆蓋，穿梭城際之間。
• 「低頻」擁有高穿透力，補完高、中頻覆蓋範圍，深入城市每個角落，當然速度會打折扣。

5G 都係剛剛開始，覆蓋範圍暫時集中係旺區，小編相信讀者們等緊覆蓋完善同時都希望iPhone 新一代加入5G 技術同其他新功能，係咪呢？

Ps. 讀者們如果對iPhone 操作上或者想知有咩配件可以幫到你，隨咗留意我地 In-Smart Blog 之外，都可去到門市搵我地嘅產品顧問㗎！