STEM 新玩意-小朋友專用顯微鏡
呢一支小玩意,雖然黃又藍望上去好似好兒戲,但講到顯微鏡功能就唔可以睇小佢!細細嘅機身,已經配備 1000 倍放大功能!平時係學校實驗室,一座座顯微鏡又大又笨重,想睇一下課本以外嘅題材都可能有幾分難度。有咗 VisionKids - KyoMiKids 兒童顯微鏡,你都可以同小朋友一齊探索未知嘅【微觀世界】!
用法都好簡單,只需安裝 APP 以 WiFi 連接,將鏡頭對準要放大嘅物件,之後就可以控製放大倍數,利用光學原理加上內置8粒 LED 補光燈,清晰嘅放大影像就會顯示係 iPad / iPhone 上面。你仲可以收錄短片同拍攝靜止圖像,記錄每個 Discovery 精彩時刻。產品仲有一個防塵透明蓋保護好重要嘅鏡頭,加上細小嘅機身,各位小小準科學家絕對可以隨身攜帶。
STEM 學習重要一環,除咗可以探索微觀世界之外,仲可以從小培養小朋友敏銳觀察能力,
Ps. 依家求其買件玩具都要幾舊水,呢個價位係直頭係抵玩!